Azken lan hau burutzeko Espainiar Estatuan azken urteetan aplikatu diren lau legeen inguruko azterketa eta eztabaida planteatu digu Loreak. Lege hauen edukia aztertu genuen Loreak berak emandako materialaren bidez. Lau legeen konparaketa burutu dugu hauen ezaugarri nagusiak taula batean azalduaz. Bertan kontestu historikoa, derrigorrezko hezkuntza garaia, lege bakoitzak ezartzen duen markoa eta bakoitzaren ezaugarri adierazgarrienak konparatu eta analizatu ditugu.
Modu honetan eginda lege bakoitzaren eboluzioa ikusi ahal izan dugu eta batetik bestera emandako aldaketa nabarmenenak jaso ditugu.
Bakoitzak emandako iritziek lege guztien konplexutasuna ulertzeko balio izan digu. Honela, zuzenbideko alorretik jasotako ikuspuntuak lege bakoitzaren zentzu juridikoa argitu digu, adibidez Espainiar Estatua Europear Batasunean sartu izanak eragin argia izan zuela Hezkuntza Sistema itxi batetik (LGE) konstruktibistago batera igarotzeko garaian (LOGSE). Eta beste alde batetik, Filosofiaren alorraren inguran pil-pilean dagoen eztabaidaren aritik LOEn agertzen den Hiritartasunerako Hezkuntza asignaturaren nondik norakoak ikusi ahal izan ditugu; adibidez, Filosofia asginaturak eta Hiritartasunerako Hezkuntzak dituzten bateragarritasunak etikaren eremuan.
Laburbilduz, lege bakoitzak duen eragina eguneroko hezkuntza praktikan erakutsi digu eta momentu historikoak eragin nabarmena duela legearen izaera eta filosofian.
